Extra Judicial Killing

                                                

Extra Judicial Killing

Pangkat 7

Olanda, Bianca

Calo, Krizza Mae

Oliver, Jerric

Rapal, Sheila

Isinulit kay:

Ginoong Ayala

Hunyo 27, 2017

Paksa: Extra Judicial Killing (EJK)

Elemento ng Komunikasyong Teknikal	Pagtatalakay
Awdiyens	Mamamayang Pilipino, Biktma ng EJK at Pangulong Rodrigo Duterte
Layunin	Maipabatid ang pagkontra at panawagan ng mga Pilipino at
Estilo	Agumentatibo, Pasulat
Pormat	Pablog
Sitwasyon	Dahil sa dumaraming pangyayari ng EJK
Nilalaman	Ang mga nakalap na impormasyon at ebidensya kung ano ang dahilan sa pangyayaring ito
Gamit	Upang lubos na maunawaan ang EJK

            Maraming tao na ang kumokontra sa araw-araw na krimeng nagaganap sa ating bansa na nagdudulot ng takot sa ating mga mamamayan, Ngunit sa pagdami ng nahuhuling gumagamit at nagtutulak ng bawal na gamot ay ganoon din karami ang namamatay ng hindi dumaraan sa tamang proseso at pagpataw ng sapat na parusa. Hindi rin maiwasang marami ang nadadamay na inosente at napagbibintangan lamang sa krimeng sangkot ang droga kung kaya't nagsagawa kami  ng mga argumento upang kontrahin ang lumalalang isyung ito.Ano-ano nga ba ang tunay na saloobin ng mga mamamayang Pilipino ukol sa pagsagawa ng kautusang ito?Ano-ano ba ang mga isyung nakapaloob ayon sa nasiyasat ng mga manunulat?

            Kapayapaan at katarungan ang nais ng mga mamamayang Pilipino para sa ating bansa.Ngunit nagsimula ang salot sa lipunan dahil sa ipinagbabawal na gamot na siyang sumisira sa buhay ng bawat isa. Droga ang isa sa itinuturing na sakit ng lipunan na kinakailangang puksain at bigyang solusyon. Kung kaya’t ito ang agarang binigyang-pansin ng Pangulong Duterte matapos niyang maluklok bilang pangulo ng ating bansa.  Ayon sa isa sa pahayag ni Duterte laban sa usaping kontra-droga, isiniwalat niya ang mga katagang “Shoot To Kill Order” bilang karampatang parusa sa sinumang mahuhuling nagtutulak ng droga.  Ito ay isa sa mga solusyong nagpapalakas sa nauna niyang kampanya pa man siya maging pangulo ng bansa ang tinatawag niyang “War on Drugs”. Ngunit ang pahayag na ito ay hindi nabigyang linaw kung kaya’t ang pagsasagawa ng batas ay hindi dumaan sa tamang proseso. Maraming tao ang nag akalang maaring sinuman ang may karapatang kumitil ng buhay kapag napag-alaman itong isa sa nagpapatunay ng krimen o nakitaang nagbebenta ng bawal na gamot. Sa pahayag na ito nawalang halaga ang mga batas na umiiral sa ating lipunan at mas dumami ang karahasang nagaganap imbes na ito ay mawala.

           

             

 Ang Extra Judicial Killing ay pagpatay ng isang tao sa pamamagitan ng mga awtoridad ng gobyerno ngunit hindi dumaan sa pagsasagawa ng legal na proseso. Ang ekstradyudisyal na kaparusahan ay kadalasang nagpapakita ng hindi pagiging makatao o hindi etikal, sapagkat hindi nila sinunod ang angkop na proseso ng legal na saklaw kung saan nangyari ito. Bagaman ang mga konstitusyon ng maraming demokratikong bansa ay nagpoprotekta sa mga pinaghihinalaang kriminal may mga kalagayan kung saan ang mga nagpapatupad ng mga batas o mga iba pa ay kailangang gumawa ng karahasan tulad ng sitwasyon na kung saan ang sitwasyon ay sila ang sinalakay.

              Ayon sa naitalang datos, mahigit 7,000 na ang napapatay na drug pusher, user at inosentang sibilyan sa administrasyong Duterte. Kung ito ay magpapatuloy, inaabot sa 700% pa ang mamamatay at mahihigitan nito ang kaso ng EJK sa 14 taong diktatoryal na pamumuno ni dating pangulong Marcos.

            At dahil sa kautusang ito ay mapupuksa na ang masasamang loob na nagkalat at itinuturing na salot sa ating lipunan ngunit naisip ba nating lahat sila ay masama kung ang iba ay napagbibintangan lamang? Marami na ang namatay na sadyang walang kasalanan ngunit wala ni isa man sa kanila ang nabigyan ng hustisya kaya’t masasabing hindi solusyon ang karahasan para sa katarungan. Sabi nga ng matatanda “Kailan man hindi maitatama ang isang pagkakamali nang isa pang pagkakamali"Halos karumal-dumal na pagpatay ang mga nababalita ukol dito kaya’t nararapat lang na bigyang pansin at solusyon ng naaayos sa mga konstitusyon and problemang ito.

            Nagsagawa ng prescon at manipesto kontra EJK na pinirmahan ni Chito Gascon (CHR) Chairperson. Ang CCHR (Citizens Council for Human Rights) tungkol sa malawakang pagsasagawa ng brutal na pagpatay. Ang CCHR ay grupo ng NGO, PO, Human Rights Lawyer at sector ng relihiyon, na nagsama-sama upang depensahan at ipahayag sa lahat ang karapatang pantao. Nananawagan sa administrasyong Duterte ang CCHR para itigil and pagpatay sa mga pinaghihinalaang mga kriminal at mga kaugnay na mga nagkasala ng droga, mahigit na page pagbabawal sa mga ehekutibong local Government Unit at sa mga nagpapatupad na batas ng pamamaraan ng paghigirap at di makataong paglaban sa krimen at droga, pagkakaroon ng bagong reporma sa sistema ng pagkamit ng hustisya.

‘Inaasahan namin na ang laban kontra droga at krimen ay maisagawa sa ilalim ng Konstitusyon at nagbibigay galang sa karapatan ng tao sa lahat ng oras.”   ani ng CCHR.

Mula sa pinahayag ng CHR na umaasa silang maisailalim sa tamang proseso ang tamang pag lalapat ng parusa upang maigalang ang karapatang pang tao kaya't nararapat lamang isaalang-alang  ang mga batas ukol sa karapatang pantao upang mabigyan ng tamang pag papataw ng parusa ang lahat ng mga nagkakasala. Nararapat lamang ang laban kontra droga sa krimeng ito ngunit may mganakaatang sapat na proseso para dito kaya't wag nating pangunahan ng mabilisang pagpatay ang pagbibigay ng kaparusahan. Anupat nariyan ang mga batas at korte para mabigyan ito ng tamang pamamaraan upang mabigyan ng tamang hustisya para sa krimeng nagaganap ngunit sa mga karahasang nangyayari ay natatapakan ang mga karapatang pang tao.Marami lamang ang na dadamay at sadyang napapahamak na mga inosente kung ipag papatuloy ito patuloy ring madaragdagan ang bilang ng mga namamatay  .

              " Nagaganap ang nga atakeng ito sa karapatang pantao at kalayaang sibil sa kabila ng mga garantiya sa mga pambansa at internasyonal na batas sa karapatang pantao. Nananawagan kami sa lahat ng Pilipinong nagmamahal sa kalayaan na labanan ang panunupil na ito sa mga aktibista gaya ng buong lakas nating pagtutol sa ekstrahudisyal na mga pamamaslang, "

              Ayon sa ipinahayag ni Guerrero nais niyang humingi ng kalayaan para sa mga mamamayang Pilipino na labanan ang isyung ito kaya't nararapat lamang na itigil and mga mararahas na patayan at bigyang pansin ang karapatang pantao. Dapat ding isulong ang mga kampanya na hindi natatapakan ang karapatan at dignidad ng isang tao maging kriminal man ito ay nararapat na bigyang respeto sapagkat maaari pa naman silang magbago kaysa sa marahas na paraan ang pagsupil sa droga at karahasan bakit Hindi nalang pagtibayin at isaayos ang sistema ng rehabilitasyon dahil sa maraming Pilipino ang mahihirap lamang at hindi makayanan ang serbisyo ng rehabilitasyon , bakit hindi na lang natin gawing pantay-pantay lang para sa mahirap at mayayaman ang ganitong uri ng rehabilitasyon ng sa gayon ay makatulong ito upang mabago at maitama ang naliligaw sa landas na ating kapwa Pilipino.

              Sa magkakaibang pananaw at paniniwala, nagkakaisa ang ating mamamayan sa pagtataguyod ng mapayapang pamayanan, pagkakaroon ng disenteng diskusyon hustisyang para sa lahat, paggalang sa karapatang pantao , pagpapatibay sa programang rehabilitasyon mahigit na pagpapatupad ng batas at pagpaparusa sa legal na proseso bagamat kumikilos ang ating gobyerno upang labanan ang droga, Dapat Hindi parin maabuso ang kapangyarihan at isantabi ang batas at xproseso sa pagpaparusa sa mga krimeng may kaugnayan sa droga.